Salaam Unpar Jalaaii Shamma-e-Irfan Jinhoon Ney Seenon
kiya haq ke liye be-taab sajdon ko jabenon may
Vo june ki tapti germiyon ka mahina tha, jab humara Ajmer shareef jaane ka programme bana.tickets bhi badi mushkilon se mil saki thi.per dil may ek junun sa tha ke her hal may safar karna hai dar-e-khwaja tak.bas jaise humara dil unke darr ke liye machla un ka karam hogaya.aur humara safar shuru hua.Jaipur express shola bani hui thi.aag baras rahi thi her taraf.lag raha tha raah may hi bhasam hojayenge.magar Ghareeb Nawaz ke der ki arzoo humen bahalane lagi ke bas ab rahmat milne ko hai.
Jaipur pahunchte hi aisa laga ke ye mitti ye khushbu ye badi badi pagdiyaan.ye sab anjani nahi.inse humara koi gehra purana rishta hai.vo banjar zameen tak pyaari lag rahi thi.vo thake thake nidhal khadam uthate huye Oonth aur vo choliyon may alhad goriyaan ya choriyaan sab haseen lag rahe they.vo raaste may dhaabe ka khana lassi parahte aur mehman nawazi dil ko behad bhali lagi.her cheez se ek mohabbat jhalakti dikhai di.
Aakhir nazron ko jis jalwe ka intizar tha vo khareeb aane laga.dil khushi se bhara hua ankhon may aas dil may hazaron duayen jo sab ke liye theen.liye hum ajmer shareef pahunche.jaise hi ajmer may khadam rakha thandi ferhat-bakhsh hawaon ne hamara khair-makhadam kiya...Astana-e-Khwaja ki saari rehamaten shaamil theen in hawaon may.khankha-nashinon ke darbaar may itihaad-o-mohabbat ki misaal milti hai ke bas nasha sa hojata hai dil ko, ajab kaifiyet hoti hai dil ki.bas jhumne lagta hai.ye vo mohabbaten hain jo inke darbaar se bat ti hain..sadiyon se..
Rajastaan ka vo khubsurat shehar Ajmer shareef zaayerin ko baar baar apni panah may bulata hai. Tapte registan se guzarte huye jab ajmer may shaidaayi dakhil hote hain wahan sab kuch gulzar nazar aata hai. Thandi farhat baksh hawayen Aastaana-e-Aalia ka pata deti hain.yeh saari nawazishein Khawja Gharib Nawaz ki hain. Jisne ek baar Aastana-e-Mubarak mey khadam rakha vo wahan sey lautna nahi chahata. Khaaja ji ki mohabbat ka surur mast kar deta hai usey. Ji chahata hai ke Roza-e-mubarak ke samne baithey rahen aur sukun milta rahe. Gharib Nawaaz ne apne chahaney walon ko apne darbar se har vo niyamat bakhshi jis ka tasavur nahin kiya jaa sakta.yehan dua mangne ki zarurat bakhi nahin rahti. Dua se pahle dua hojana sachche ishq ki daleel hai.
Darbar-e-khwaja may pahunch ker hosh gum hojate hain.kitna sukun mil raha dil kerta hai ke nazar bhi idher udher na ho.ye mohabbat lutati fiza, ye parindon ka sureela vird, ye khadmaan-e-khwaja ki mehbubiyet, her shaks her waqt baa-adab....masjid-e-akberi vo rahi jo shahinsha akbar ne taammir ki thi.Khwaja sahab ka akhidt-mand tha vo.ye shazada saleem ki paidaish ke theek 6 mahine baad taameer hui jise surkh patharon se banaya gaya.
Ye jo buland derwaza dekhai de raha hai.Sultan Mohammed khilji ki yaadgaar hai.shah-jahani masjid.nihayet nafees sang-e-marmar se banai gai hai jo badsha shah-e-jahan ke hukum se taamir hui.ye begumi dalan kehlata hai jise shezadi jahan-Aara ne taamir kerwaya.Awliya masjid..ye masjid us mukham per banai gai jahan huzur khwaja Ghareeb nawaz Rahamtulahi Alihe namaz padha kerte they.
Badi deg.Akbar badshah ke ahad ki nishani hai.chiturgadh muhim ser karne ke baad paa piyada yaane paidal chal ker ajmer pahuncha aur ye deg chadaii.isme sawa sau (125) mann chawal pakta hai.choti deg,isko sultan Nurudeen jahangeer ne pesh ki...isme assi (80) mann chawal pakta hai.yehaan ka langar hamesha ghareebon be-saharon her kisi ke shkiam sairi ka baayes bana hai.bazaar ki taraf se jo gate Dargah shareef tak le jaata hai use nizam gate kehte hain.ye Nawab Hyderabad ka banaya hua hai..aur iski taameer may poore 4 saal lage.iski bulandi yane height 70 feet aur chaudai 24 feet hai.dekha aapne shahon ki mohabbat.unke der se koi khaali na gaya mohabbat -o-sukun haasil hua...jo ek laafani daulat hai.jo khareedi ny jasakti ..bas inhi azmeem-daron se naseeb hoti hai.
Huzur purnoor khwaja gharib nawaz say sab nay daulat e mohabbat paayi.unkey akhidat mandon may sab shaamil hain raja ho ya rank.sab ney eksaan faiz paaya.sab kay sar unke dar ki khadambosi kay liye bekhrar rehte hain.ghareeb nawaz ki karamnawazi saari duniya may khusboo ki tarha phailti gayi……
Taragarh ki buland o bala chatanen..inhen dekh kar aisa lagta hai mujhe.ye bhi baa-adab sarnigon khaksari jaan-nisaari ka patta deti huyeen.Dar-e-khwaja ke qadam chumne ko beqarar si lageen.purkhatar raste ye kehte huye mile.ye raah-e-ishq itni asaan bhi nahi.guzro gar pyaar se asaan hun mai.gar ghabraoge to naqabil-e-taskhir kohstaan hun mai.
Safar ek sumo may karne ka irada hua.chund musafir aur saath holiye.ajab they hum bhi asaan ko mushkil kiya.darvesh ye kehta hua mila.jitni mushakhath uthaoge phal utna hi meetha paoge.gar asmaan se dar jaoge apne rab se kaise mil paoge.ye baat aate aate aai samjh.khair apna safar aise shuru hogaya. jeep ki kya majaal jo rahen aasan kare.ab jaan hateli pe thi aur lub per dua...mere khwaja nadani ki ab na do saza.
Uff ye muhzor hawayen kahin hum ko bhi na le uden.patli si pagdandi se guzarti huii jeep bhi khauf se larz rahi thi musafiron ki tarha..maine apni soch per matam kiya.kaash hum jeep may na safar karte.paun paun chalte.in retili chatanon se baaten karte.inki tareekh sunte.inme palte saare rang ankhon may bharte.ab kya hosakta tha..bulandion ne dara diya.ab khauf ne bhi hara diya.
khuda khuda karke safar choti per khatam hua.neeche koh ke daman tale khubsurat Ajmer apni azmat ka pata deta hua humari tiflana herkaton se mehzuz hota dikhaii diya.Aao bacho tum ko ab mai vo samjhaun jo tumne kabhi jaana hi nahi.ye mehaz zyarat-gaah hi nahi.ye sirf duaon ka markaz hi nahi.yehaan bashar ko apni pehchaan milegi.in bargazeeda buzarg ki fazilat may chupa raaz-e-haq milega.ye martaba jo unko hai mila jo ban gaya hai khud dua jo hai her dil ki sada.ye kaise haasil hua..
Andaz-e-mohabbat inse hi paaya sab ne.ishq ki haqeeqat ko inse hi jaana sab ne.khalikh ne apna aaina jise banaya wahi “wali” kehlaya.usi ki sifat bande may maujud.usey pasand her dil may mohabat ka wajud.kainaath ki buniyaad mohabbat pe hi rakhi.apne mehbub ki khaatir 18 hazar Aalam Rab ne banaye..socho tou us ishq ki intihaa.jub muhib mehbub se milkar deewana huaa.jise khud apne hi noor se paida kiya.jiski zaat zamane bhar ko munnawar kare.her dil may wahi Noor-e-Mohammadi hi basera kare.ye chah bhi uski.ye raah bhi uski.yehi aadmi ki haqeeqat.isi ulfat ki tableegh may khud ko mita dena......
Darr-e-khwaja ke shaidai..is koh ki choti per isi baat ka elaan karte huye mile.dekho faaslon ko humne lapet diya hai.mohabbat may humne khud ko samet liya hai.uski khaatir hum kahaan kahaan pahunche.vo aisa hai ke her jaa uska nishan pahunche.
"khud ko khoya to tumko paaya hai"kitna khubsurat aur khatarnaak sach hai.in mutabaruk ehsasaath ne waqi mujh ko mujh se juda kardiya.mai mai na rahi.unki hogaii.aise laga barson purani pehchaan achanak rubaru hogaii ho.ek surur bakaif .ek bekhudi..dil chahta tha ke zindgi yehin pe tamam hojaye...na lub hilen.na koi arzu mun ko chale.bas dil sunta jaaye fizaon may rachi unki zubaan.
Tragarh ki tareekh sadion purani sahi per fidaii aaj bhi maujud.Hazrath Syed Meeraan Hussain saheb ashiq-e-Nawaz ka ye tareekhi qila unke ishq ki hi yaadgaar hai.unki Drgah ki zyarat karli mano mohabbat ka deedaar kiya.Allah Allah kaise saadiq ashiq they jinke huzur khud mehbub ki haaziri hogaii.
Qila ki sair karte karte ek qadre veeraan si jagah jahaan masjid numa meenare bane huye they hum pahunche.kuch darvesh fuqra mile.unse jub guzarne lage.ek naghma gunja.ek maddah-sarahi mehki.mud kar dekha to ek jawan maile kuchele kapdon may mastana sa gaaye jaraha hai.ajib baat thi usme.uski awaz may jo rukne per majbur kiye jarahi thi.lanmba sa dubla patla.hmmmmmmmm ye kaun hai? kaisa paighaam suna raha hai?
Haan bhes to kaii they.per mila wahi tha.vo nazar bashar laata kahaan se jo aar paar hojayen.qismat kahaan sab ki aisi, ke asal ka deedar hojaye.
vo mera pehla safar tha ajmer shareef ke liye.magar aisa lagta tha ke is mitti se meri buniyaad judi huii hai.her taraf jidher bhi uthaii nazar ek shanasa mila.mujhe aisa hi laga.ek aisa apnapan jise alfaz may samoya nahi jasakta.ek aisi mohabbat jise sirf mehsus kiya jasakta hai.zarre zarre may nihaan thi.
Ajmer kaha jaata hai ye waloin ka shahar hai.saare buzarg khwaja saheb ke huzur .wahi jaanen Dar-e-khwaja se milne wali fazilaton ka khumaar.zayereen ka ajab haal hai.bas deewane se chale aarahe hain.biche jaarahe hain..ankhen hain ke bojhal...dil hain ke saayel.daman hain ke taalib-e-nazar-e-karam.ye vo yaqeen ka manzar hai jise khuda imaan kahe.aur bargazeeda ishq.
Haan.her chere may ek chehra chupa hua.usi tarha vo bhi Taragarh per mil gaya...rahbar-e-kaamil.ek adna ke bhes may jiski siffat-e-aala ka pata badi der may mila.ya yon kahiye ke chasm-e-batin uske taye-shuda waqt per hi khuli.
Mohabbat ka moqam kaafi ooncha hai.buzargon ko adab pasand hai aur khuda ko mohabbat.dil jiske qadmon may jhuk gaya ho vo bada mohtaram hai.jiske huzur ishq bhi kum pad gaya ho ye jazba bhi usi ka karam hai.
Hamara wapsi ka safar paidal hi hua tha.yehi rab ki merzi thi ke hum vo nazare dekhen jinse aate waqt sumo may hone ki wajha se mehrum hogaye they.ibadaton ki kaii qismen dekheen.darveshon ki barikbeen nazron may chupe ahkaam sune.jiska jitna muqadar the usko utni saughat mili.
Gharz us naghme ne dil ke taar ched diye aur ek naye ehsaas se rushanaas karwaya.ke ye khaliaz hikmat nahi hai.is madhur taan may chupe paighaam ne jaam-e-ghum ka maza chakaya.ghum.halanki ye purane saathi hain.jub bhi naye andaz may milte hain naye lagte hain.
Najane kyon us shaks ko baar baar mud kar dekhne ko dil chah raha tha.koi baat thi jo qadam rok rahi thi.haaye re taqdeer..us waqt samjh na aaii.humne saaheb-e-dargah ki zyarat karli aur wapsi ke liye kamarbasta huye.hmmmmmmmm..wapsi badi shandar thi.patli si pagdandi-numa raasta..neeche daman-e-Ajmer.aur uper tez-o-tund hawayen...mano humen le udengi.aur qadmon tale germa germ chatanen.goya paya-fry ka pura ehtmaam tha.mere saath jo they unme se ek waqi may aabila-pa hogayen theen.sach much.aur mai aah-ooh karti kabhi ek taang per tou kabhi dusri per.in sab ke bawajud bhi ek tarang thi.ek surur tha jo aage badha raha tha.
Dhaii din ka jhonpda.vo hawa pe mualaq si lagti chattan.waqifiyaat-e–aqeedat-o-karamath.insab may sab se ajib to khud vo tha.kyon ki vo achanak samne namudar hua..jo na aage tha na peeche...yaani sang sang tha bilkul apne zameer ki tarha...bilkul nafs-o-khameer ki tarha.khasta haal ameer ki tarha.mujhe naa-jane kyon vo apna sa laga.
Mera dil ekbargi dhak se reh gaya jub usko samne paaya.pata nahi kyon use nazar bhar kar dekh na saki.ajab shaksiyet thi vo...ye ajuba nahi tou kya hai.achanak namudar hojana.aur ek chakar bana kar jub vo apne paun per ghum gaya to maine hairaan hairaan usko dekha.hmmmmm ajab mulaqat thi.kya pata tha katib-e-taqdeer ne jiska saath mehshar tak ka likha vo is tarha mil jayega.roohani safar baghair rahbari ke kahaan mumkin hai dosto.
Tasveer teri dil mera behla na sakegi.qurbat teri ab maang meri hai.baat yehi hogaii...tasveeren nishaniyaan yaaden.ye sab sahi...per vo inme kahin nahi.vo to ehsaas hai jise milgaya uska hua.Mere khwaja ka dar daras-e-ashiqi hai...inhi ke dam se baakhi ashiqon ki zindgi hai.
Vo pal may mila pal may ojhal hua.khuli ankh ka khwab jaise koii.aji wahi mast qalandar.jis ki deed hi surur hogaii.kya pata tha jis jaam-e-karam ki baat kahi jane wali thi us se kahin pehle hi saaqi khud mil jayega.ye taqdeer ke taye-shuda faisle they jo maine zahur pazeer hote dekhe.Haan sahiba.barson ki pukaar mujasim rubaru hogaii.koi derd be-sabab nahi tha.
Ek sadi thi jo guzar gaii in teen chaar ghanton ki musafat may.jo taragarh se Ajmer tak ke safar ki thi.vo maveshion ka jhund jo raah may mila us se tak ishq hogaya.un hawaon ki fazilat thi ke her ankh mohabbat thi..her dil madhosh tha..ke koi hosh na raha.ek saadiq ashiq ki deudhi ki nisbat jisko miljaye us per kya kya guzarti hai mehsus kiya maine.
Usi waqt her pal ye khayal aate rahe aashiqan-e-Rasul ki sohbat jub itni farhat-baksh thi.to unki sohbat kya rahi hogi.jubki faqat naam hi faiz-o -barkaath hai.zikr hi unka bande ki hayaath hai.Huzur ke khayal beqrar ka samaan-e-taskin tha ye darre mehbubi.
Ajmer se kitni cheezen wabasta hogaii hain.dil ka sukun kise kehte hain ye jana.Taragarh ki bulandion ne gawahi di mera daman inhi ke dam se hai.mera angan inhi ke dam se hai.jinke suprd ek pura mulk kiya gaya..bad-amni door karne ke liye.aur vo isme is had tak kamyab huye ke gunaahgaar moqadas hogaye.mohabbat ka daras paakar vo tou musahib bante chale gaye.jo kal tak khwaar they taajdar hone lage.ye sab khwaja saheb ki sohabat-o-humnashini ka asar tha.
Baa-barkat shaksiyet ki khususiyet yehi hoti hai.unka sadq unki rahbari mukhatib ko ek marifat ke daur se guzarti hai.jahaan mohabbat-e-khuda ka anokha ehsaas nasib hota hai.ye jalwa muhib-e-Rasul ke dar ke ilawa aur kahaan mil sakta hai..
Jhuktey hain shahon kay sar khwaja ki vo sarkaar hai
Hain mulk darbaan vo shah e chisht ka darbar hai
Hain mulk darbaan vo shah e chisht ka darbar hai
No comments:
Post a Comment